السلام عليكم ورحمة الله وبركاته
لأول مرة بكتب موضوع أنا قرفان منه ومش عاوز أتكلم فيه....
موضوع التحرش الجنسي بتاع وسط البلد.....بس هكتب فيه بنية عدم إشاعة الفاحشة وسوف استهل مقال بقول الله عز وجل في كتابه الكريم :
إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ
الاخوة والاخوات الكرام
الأمر بقي بايخ جداً....
أي أخ أو أخت بقي عندهم الموضوع دا في مدوناتهم زي كمليات مهمة عشان المدونة تبقي صحيحة وينام وهو مستريح
معلش أعزروني ....اللي يعرفني ومتابعني يعرف اني بتكلم بصراحة ومش بخاف علي شعور حد
الواقعة بكل بساطة إن إعلان عن إفتتاح فيلم أمام أحد السنيمات في وسط البلد ظهرت فيه أحد الساقطات من الممثلات بملابس تظهر أكثر مما تخفي.....
وحدث إندفاع من مجموعة (قليلة) من الشباب القذر اللاهثون وراء شهواتهم نحو هذه الساقطة...وتطور الأمر بهم الي الأندفاع أمام الشارع والتحرش ببعض الفتيات اللي أغلبهن كنّ يرتدين ما يثير الغرائز ...و لا أصدق أن محجبة (حجاب شرعي) أو منتقبة تعرضت لمثل هذا ولو أقسمتم بأغلظ الايمان
أيوة الموضوع وحش ومش حلو....والامر ميعديش ويمر مرور الكرم...بس اللي اتعمل دا زاد الطين بله....ضخم الموضوع بدرجة مبالغ فيها بطريقة واضحة جدا
بس تعالوا بقي نراجع العناصر بتاعت المشكلة اللي انا مش شايف بصراحة إنها تستحق اننا نقف عندها
-
افتتاح فيلم سينمائي قذر
-
تجمع الشباب لمشاهدة افتتاح الفيلم
-
ممثلة عارية تخرج امامهم لترويج الفيلم
-
فتيات متجردات من ملابسهن يمشين علي غير استحياء
اي عنصر من العناصر اللي فاتت يستحق الاحترام؟؟؟
اي عنصر من العناصر اللي فاتت نخاف عليه و يهمنا...؟؟
الاربع عناصر اقذر من بعض يا جماعة ......يعني مش هيخرج منهم شئ كويس ابدا لو فكرتم
إستحالة مش هيحصل بينهم فوران قذر .......
دا اللي حصل بكل بساطة ومن غير اي تضخيم والامر انتهي وخلص...وهيحصل تاني وتالت ورابع.....
طبعا الناس مش عجبها الكلام وهتقول ازاي نسكت علي وضع زي كدا....احنا خايفين علي ولدنا وبنتنا وعلي نسائنا........
هسألهم اربع اسئلة
-
انت بتروح السنيمات تتفرج علي افلام؟؟
-
معود ابنك أو بنتك علي زيارة السنيمات ومشاهدة الافلام
-
-
بنتك بتخرج من البيت ازاي؟؟؟ هتقولي محجبة طبعا.....لا مش قصدي هي مغطية شعرها والا لا....لابسة ايه؟؟؟ ها...؟؟ طبعا لو حضرتك مدلع الانسة بنتك ومخليها تلبس كل اللي نفسها فيه يبقي انتظر اي حاجة ممكن تحصل.....كل واحد شايف بناته احسن بنات وانهم بنات محترمات جدا....أمال الي ماشيين في الشوارع دوله ولاد مين؟؟؟؟
معلش يا جماعة الموضوع لازم الكلام فيه يبقي بالطريقة ديه ولازم نقف مع نفسنا بدل ما نسوء سمعة بلدنا ونشهر بيها ونبين للناس ان بلدنا بلد قذرة لا يأمن فيها احد.....
لو انت بتعمل حاجة واحدة بس من اللي فات يبقي لا تلومن الا نفسك
اما بقي لو ربنا كرمك ومعندكش اي خلل في الاربع عناصر يبقي لا تبالي ولا تخف...أنت في امان الله
نيجي بقي لأصحاب الاقلام الصادقة الصريحة اللي بيقولوا الحق وبيظهروا الفساد في البلد وخايفين عليها.....
هنقسمهم تلات اقسام
-
اشخاص لهم اهداف سياسية بحتة وهو إظهار كل سئ في البلد وتضخيمه لصراعات سياسية وصراع علي السلطة بدعوي محاربة الفساد والمطالبة بإصلاح سياسي وديموقراطي وإظهار عجز السلطات والجهات المختصة بالأمور الامنية لوجود ثأر قديم بينهم........(وهي دي البؤرة القذرة اللي ضخمت الموضوع وأظهرته بالشكل القذر دا.....انا لا بدافع عن الحكومة وفي نفس الوقت مش مع المتشدقين بالحرية والكلام الفاضي...انتم كلكم (..............)....سواء الجهات الامنية اللي سابت الموضوع خاااااااااااااااااااالص ومكلفتش نفسها حتي في عمل دوريات في وسط البلد في ايام العيد....والمدونون مدفعون الاجر او اللي بيقولوا علي نفسهم انهم بيحربوا الفساد...عشان اظهرتم وضخمتم وشهرتم ببلدكم اللي انت بتضحكوا علي نفسكم قبل ما تضحكوا علي الناس وبتقولوا انكم بتحبوها
-
القسم الثاني اشخاص يحبون الظهور والكتابة في مواضيع الرأي العام بدعوي المناقشة وتحري الامور وعلاج الاخطاء و...و.....و.....دوله ياريت يدوروا علي مواضيع تانية تشهرهم وتخليهم صحفيين مبدعين...البلد مليانه والله حجات كتيرة غير واقعة وسط البلد....حجات احنا محتاجين ننقاشها بالفعل.....اتكلموا في ايجابيات وخير بيحصل...بلاش تقتلوا وتطفوا بصيص النور اللي بدأ والخير اللي دب في قلوب الناس بعد رمضان
-
القسم الثالث وهو ما يتناقل الاخبار فقط ولا يدري ما مصدر هذه الاخبار ويكتفي بكلام القسم الاول في مقالاتهم وما يبرزه الاعلام القذر من قضايا تجذب الناس حتي تضمن وسائل الاعلام هذه الانتشار والتقدم في سباق وسائل الاعلام ولا يهتم بمادئ ولا قيم ولا أخلاق...كل ما يهمه هو موضوع يجذب القارئ او المشاهد او المستمع...وأقول للقسم الثالث لا تنخدع ما يرويه الاعلام....وقد قامت اخوات لنا (اخوات) بعمل مدونة لمناقشة هذا الامر....وارجوا منكم التكرم بزيارتنا فيها http://i3lam06.jeeran.com/
نهاية الامر الصلاح والاصلاح في كتاب الله عز وجل ّ وسنة النبي صلي الله عليه وسلم....ومن حاد وأعرض عنها فله معيشة ضنكا
يقول الرسول الكريم صلي الله عليه وسلم :
تركت فيكم ما إن تمسكتم به لن تضلوا بعدي أبدا...كتاب الله وسنتي....
ابنك حافظ كام جزء من القرآن الكريم؟؟؟
طيب حافظ كام حديث من أحاديث النبي صلي الله عليه وسلم...؟؟
طيب يعرف ايه عن النبي صلي الله عليه وسلم واصحابه والتابعين؟؟
بالله عليم يا أخي....إبنك أو بنتك بتقول بسم الله قبل ما بتاكل او تشرب؟؟؟
اسأل نفسك وشوف ابنك هيكون من هؤلاء الشباب المتحرشون
أو بنتك هتكون من احد الفتيات المتحرش بهن
سبحانك اللهم وبحمدك....أشهد أن لا الله الا أنت استغفرك وأتوب اليك...
من الولايات المتحدة
Akhi al7abeeb Saber,
Kathara Allahu amthalak, wa thabataka 3ala al7aq. Hatha howa al7aqu be3ynih. U7ibuk Fi Allah